"İnter"də ciddi itki

"İnter"in müdafiəçisi Alessandro Bastoni İtaliya Superkubokunun final matçını buraxa bilər.

90deqiqe.az xəbər verir ki, bu barədə “Football Italia” məlumat yayıb.

Mənbənin məlumatına görə, italyan oyunçu zədə səbəbindən komandanın məşqini başa vura bilməyib.

Bu mövsüm Baston "İnter"in heyətində bütün turnirlərdə 21 oyunda iştirak edib. Futbolçunun Milan klubu ilə müqaviləsi 2028-ci ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 60 milyon avrodur.

Superkubokun finalında "İnter" "Napoli" ilə qarşılaşacaq. Qarşılaşma bazar ertəsi, yanvarın 22-də baş tutacaq.