"İnzaqi komandamızın şəksiz lideridir"

“İnter”in baş direktoru Cüzeppe Marotta komandanın baş məşqçisi Simone İnzaqinin işindən danışıb.

90deqiqe.az xəbər verir ki, funksioner, təcrübəli çalışdırıcı komandanın lideri olduğunu bildirib.

"Qalib gələn komandanın həmişə güclü lideri olur. İnzaqi bizim şəksiz liderimizdir. Bəli, o hələ gəncdir. Amma əminəm ki, onun parlaq karyerası olacaq. Simone bizim dəyərlərimizi bölüşür. Məqsədlərimiz sadədir; həmişə qalib gəlmək”

İnzaqi 2021-ci ildə "İnter"ə rəhbərlik edib və o vaxtdan bu komanda ilə dörd titul qazanıb - iki İtaliya Kuboku və iki İtaliya Super Kuboku. Həmçinin 47 yaşlı mütəxəssis ötən mövsüm milanlıları Çempionlar Liqasının finalına çıxarıb.

Xatırladaq ki, bazar ertəsi yanvarın 22-də “İnter” İtaliya Superkubokunun final oyununda “Napoli” ilə mübarizə aparacaq. Hazırda “neradzurri”  20 turdan sonra 51 xalla İtaliya çempionatına başçılıq edir.