"Atalanta"da yeni müqavilə

İtaliyanın "Atalanta" klubu müdafiəçisi Corcio Skalvini ilə müqaviləni uzadıb. Bu barədə Tuttomercatoweb məlumat yayıb.

90deqiqe.az "Tuttomercatoweb "ə istinadən xəbər verir ki, İtaliya təmsilçisi 20 yaşlı müdafiəçi ilə 2028-ci il iyunun 30-na kimi müqavilə imzalayıb. Skalvininin maaşı ildə 1,5 milyon avro olacaq.

Bu mövsüm italyan oyunçu "Atalanta"nın heyətində bütün turnirlərdə 24 oyunda iştirak edib, 1 qol vurub və bir məhsuldar ötürmə edib. Transfermarkt internet portalına görə futbolçunun təxmini dəyəri 40 milyon avrodur.

Daha əvvəl Skalvini ilə "Bavariya" və "Real Madrid", "İnter", "Mançester Yunayted" və "PSJ"nin maraqlandığı bildirilirdi.

Hazırda “Atalanta” A Seriyasında keçirdiyi 20 oyundan sonra 33 xalla 5-ci yerdə qərarlaşıb.