Mourinyo "Napoli" ilə razılaşdı?: Klub prezidenti açıqladı

"Napoli"nin prezidenti klubun Mourinyonun xidmətində maraqlı olması ilə bağlı yayılan xəbərlərə münasibət bildirib

"Napoli"nin prezidenti Aurelio De Laurentis Neapolitan klubunu təhvil almaq üçün portuqaliyalı baş məşqçi Joze Mourinyo ilə danışıqlar aparması ilə bağlı mətbuatda yayılan xəbərlərə cavab verib .

90deqiqe.az "Mundo Deportivo"ya istinadən xəbər verir ki, klub rəhbəri bu sözləri səsləndirib.

“Jose bizim planlarımızda deyil. Şayiələrə baxmayaraq, bu heç vaxt mümkün olmadı. Bununla belə, düşünürəm ki, onun gələcəyi İtaliyadadır”, 

Xatırladaq ki, yanvarın 16-da Mourinyonun “Roma”nın baş məşqçisi postundan qovulması xəbəri yayıldıqdan sonra onun İtaliyada iş tapmaq istədiyi barədə xəbərlər yayılmışdı. 60 yaşlı mütəxəssisin yeni iş yeri kimi "Napoli" seçilib.

İtaliya çempionatının 20 turundan sonra "Napoli" 31 xal toplayıb və 9-cu pillədə qərarlaşıb.