Alleqri "İnter" və "Milan"la çempionluq yarışından danışdı

"Yuventus"un baş məşqçisi Massimiliano Alleqri İtaliya çempionatında çempionluq yarışı ilə bağlı açıqlama verib.

90deqiqe.az xəbər verir ki, italyan mütəxəssis yarışın çətin keçdiyini bildirib.

“İnter"-"Yuventus” oyunundan sonra qarşıda hələ çox oyunlar var və unutmayaq ki, ötənilkindən daha çox xal toplayan “Milan” çətin dövrdən çıxıb və çempionluq yarışına qayıda bilər. Balansı qorumaq, davamlılığı təmin etməyə çalışmaq vacibdir.Bayaq qeyd etdiyim “qeyri-mümkün məqsəd” anlayışının Skudetto ilə heç bir əlaqəsi yoxdur, bu, sizin beyninizdə olması lazım olan psixoloji vəziyyətdir: əlindən gələni etməli və heç nəyin qeyri-mümkün olmadığını düşünməlisən”, – Alleqri bu barədə klubun rəsmi saytına açıqlamasında deyib.

21 turdan sonra "Yuventus" 52 xalla A Seriyasına başçılıq edir. “İnter” ikinci pillədə qərarlaşıb (51 xal). İlk üçlüyü “Milan” qapayır (44 xal).