"İnter" və "Yuventus" klubları cərimələndi

İtaliya A Seriyasının 23-cü turunun matçında (1:0) komandaların azarkeşləri arasında baş verən qarşıdurmaya görə "İnter" və "Yuventus" klubları cərimələnib.

90deqiqe.az xəbər verir ki, adıçəkilən komandalara 10 min avro məbləğində cərimə kəsilib.

Xatırladaq ki, San Siro stadionu yaxınlığında keçirilən oyundan sonra milanlı azarkeşlər qısa mənzilli əldəqayırma partlayıcı qurğulardan (kağıza bükülmüş barıt) istifadə edərək polisə hücum edib, nəticədə polis maşınlarından birinə ziyan dəyib. Azarkeşlər həmçinin "Yuventus" azarkeşlərini daşıyan avtobusun altına fişənglər atıblar. Nəticədə İtaliya polisi 50-yə yaxın "İnter" azarkeşini saxlayıb.

Hazırda A Seriyasında keçirilən 22 oyundan sonra "İnter" 57 xalla birinci yerdədir. "Yuventus" 23 oyundan sonra 53 xalla ikinci pillədə qərarlaşıb.