- İtaliya S.A.
- 01:31 08.09.2024
"Milan"ın müdafiəçisi Malik Tiav zədəsini sağaltmaq üzrədir.
90deqiqe.az xəbər verir ki, alman futbolçunun gələn həftə "rossonerilər"in heyətinə qayıdacağı gözlənilir.
22 yaşlı oyunçu ötən ilin noyabr ayının sonunda "Fiorentina"ya 1:0 hesabı ilə qalib gəldikləri matçda bud nahiyəsindən zədələnmişdi. Bu səbəbdən o, bütün yarışlarda komandanın son 13 oyununda iştirak etməyib.
"Milan"ın əsas müdafiəçiləri Fikayo Tomori və Pierre Kalulu hələ də zədədən əziyyət çəkirlər.
Tiav "Milan"a 2022-ci ilin yayında 8 milyon avroya "Şalke"dən keçib. Bu mövsüm oyunçu “rossoneri”nin heyətində 16 matçda iştirak edib.
"Milan" A Seriyasının turnir cədvəlində 3-cü pillədə qərarlaşıb.