"Yuventus"dan Taysona özəl hədiyyə - FOTOLAR

İtaliyanın "Yuventus" futbol klubu əfsanəvi boksçu Mayk Taysona hədiyyə göndərib.

90deqiqe.az xəbər verir ki, Turin klubu 57 yaşlı əfsanəyə komadanın fərdi köynəyini  hədiyyə edib.

Xatırladaq ki, Taysonun ilk ağır çəkili titulu 1986-cı ildə qazandığı WBC kəməri olub, 1987-1990-cı illərdə Ceyms Smit və Toni Taker üzərində qələbələrdən sonra WBA və IBF kəmərlərinin sahibi olub. 1989-1990-cı illərdə Tayson The Ring jurnalına görə çəki dərəcəsindən asılı olmayaraq ən yaxşı boksçu olub.

Bir neçə gün əvvəl İtaliya A Seriyasının 23-cü turunun mərkəzi qarşılaşması baş tutub və "İnter" və "Yuventus" qarşılaşıb. Komandalar Milanda (İtaliya) “San Siro” stadionunda (Cüzeppe Meazza) qarşılaşıblar. "İnter" minimal hesablı qələbə qazanıb - 1:0. “Yuventus” 23 oyundan sonra 53 xal toplayaraq çempionat cədvəlində ikinci yerdədir.