Mourinyo “Roma”dan qovulması ilə bağlı danışdı

Portuqaliyalı baş məşqçisi Joze Mourinyo sabiq komandası "Roma"dan qovulması ilə bağlı fikirlərini bölüşüb.

90deqiqe.Az xəbər verir ki, 61 yaşlı çalışdırıcı paytaxt klubu üçün hər şeyimi versədə qovulmağının onu çox incitdiyini bildirib.

“Roma”nın qovulması məni ən çox incidənlərdən biridir. Mən hər şeyimi bu kluba vermişəm. Bu üç il ərzində tarixinin ən yaxşı komandası olan Portuqaliya millisinin baş məşqçisi olmaqdan imtina etdim!

Səudiyyə Ərəbistanından da böyük təklifim var idi”, – məşhur insayder Fabrizio Romano X sosial şəbəkəsindəki (keçmiş Twitter) səhifəsində Mourinyodan sitat gətirir.

Portuqaliyalı 2021-ci ildən İtaliya klubuna rəhbərlik edir. Mourinyo bundan əvvəl “Tottenhem”, “Mançester Yunayted”, “Çelsi”, “Real Madrid”, “İnter”, “Portu”, “Leiriya” və “Benfika”nı da çalışdırıb.

Qeyd edək ki, Mourinyo hazırda "Barselona" və "Bavariya" da daxil olmaqla bir neçə klubla əlaqə saxlayır.