Leau Pioli ilə yaxşı münasibətinin səbəbini açıqladı

"Milan"ın hücumçusu Rafael Leau komandanın baş məşqçisi Stefano Pioli ilə münasibətindən danışıb.

90deqiqqe.Az xəbər verir ki, portuqaliyalı futbolçunun sözlərinə görə, əvvəlcə italyan mentorla münasibətləri asan olmayıb, sonra vəziyyət dəyişib. Leau qeyd edib ki, belə situasiyalarda ən vacib şey bir-birimizlə birbaşa əlaqə qurmağın yollarını tapmaqdır.

“Bizim yaxşı münasibətimiz var və buna səbəb mənim ona, o isə mənə güvənməsidir. Mən onun kabinetində ən uzun müddət qalan oyunçulardan biriyəm, eyni zamanda son mövsümlərin hər birində ən çox dəqiqə oynayanlardan biri də mənəm”, - deyə Leau Sport Italia-dan sitat gətirib.

Xatırladaq ki, Leau 2019-cu ildən "Milan"da çıxış edir. Bu mövsüm 24 yaşlı futbolçu "rossonerilər"in heyətində 32 oyun keçirib, 9 qol vurub və 8 məhsuldar ötürmə edib.