Ardıcıl ikinci dəfə “Milan”da ayın oyunçusu seçildi

“Milan”ın yarımmüdafiəçisi Ruben Loftus-Çik azarkeşlər tərəfindən komandanın ən yaxşı oyunçusu seçilib.

90deqiqe.Az xəbər verir ki, bu barədə İtaliya klubunun mətbuat xidməti məlumat yayıb.

Qeyd edək ki, ingilis futbolçu ardıcıl ikinci aydır ki, bu mükafatı qazanıb. Fevral ayı ərzində yarımmüdafiəçi "rossoneri"nin heyətində bütün turnirlərdə altı oyun keçirib və iki qol vurub.

Loftus-Çik "Çelsi"nin yetirməsidir. Yarımmüdafiəçi ötən yay 18,4 milyon avroya "Milan"a keçib.Bu mövsüm Ruben bütün turnirlərdə 29 oyun keçirib və 7 qol vurub və bir məhsuldar ötürmə edib. Futbolçunun İtaliya klubu ilə müqaviləsi 2027-ci ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 25 milyon avrodur.