Piolidən Pulişiçə dəstək: "O, dürüst oyunçudur"

"Milan"ın baş məşqçisi Stefano Pioli A Seriyasının 27-ci turunun "Latsio" - "Milan" matçı ilə bağlı açıqlama verib (0:1).

90deqiqe.Az-ın məlumatına görə, 58 yaşlı çalışdırıcı sözügedən matçda yarımmüdafiəçi Kristian Pulişiçə qarşı "fair-pley" qaydalarını pozmaqda ittiham edilməsinə münasibət bildirib.

“Pulişiç vicdanlı oyunçudur və oyuna hörmətlə yanaşır. Hakim fit çalana qədər oynayırsan. Biz bunu başqa cür edə bilməzdik. Hakim üçün çətin matç oldu.Deyəsən, kiçik qayda pozuntularını həddindən artıq cəzalandırır, futbol təmas idmanıdır və çoxlu sarı vərəqələrdən qaçmaq olar”, - “Eurosport” baş məşqçinin sözlərindən sitat gətirib.

Xatırladaq ki, "Latsio"nun futbolçusu komanda yoldaşı Valentin Kastellanosun tibbi yardım ala bilməsi üçün topu təmizləmək istəyib, lakin Pulişiç oynamağa davam edib və nəticədə "Latsio"nun müdafiəçisi Luka Pelleqrini onu yerə yıxıb.