"Napoli"nin gürcü ilə bağlı planı

Gürcüstan millisinin üzvü Xviça Kvaratsxeliya "Napoli" ilə yeni əmək müqaviləsi imzalamaq üçün danışıqlar aparır.

90deqiqe.Az-ın məlumatına görə, bu barədə jurnalist Nikolo Skira "X" sosial şəbəkəsində (keçmiş Twitter) yazıb.

O, tərəflərin əməkdaşlığın 2029-cu ilə qədər uzadılmasını müzakirə etdiklərini bildirib.

Yeni sövdələşmə əmək haqlarının əhəmiyyətli dərəcədə artırılmasını əhatə edəcək. Kvaratsxeliyanın Neapolitan klubu ilə hazırkı müqaviləsi 2027-ci ilin yayında başa çatır. Gürcü futbolçunun transfer dəyəri 80 milyon avro qiymətləndirilir. Bu mövsüm Xviça 34 oyun keçirib, səkkiz qol vurub və altı məhsuldar ötürmə edib.