"Yuventus" Alleqri ilə yollarını ayırmaq qərarına gəlib

"Yuventus" mövsümün sonundan sonra məşqçi dəyişikliyinə məruz qala bilər.

90deqiqe.Az  xəbər verir ki, Turin klubunun idman direktoru Kriştiano Giuntoli mövsümün sonunda Massimiliano Alleqri ilə əməkdaşlığa son qoymaq niyyətindədir.

 “Qoca sinyoran”ın rəhbərliyi də Tiaqo Mottanı prioritet hədəf kimi müəyyənləşdirib.

Hazırkı "Bolonya"nın sükançısı "Yuventus"la danışıqlara hazırdır, lakin hazırda bütün diqqətini işə cəmləyib. Massimiliano Alleqrinin müqaviləsi 2025-ci ilə qədərdir. Daha əvvəl bildirilirdi ki, “Yuventus”un problemi mütəxəssisin yüksək maaşı ola bilər.