"Napoli" Kvaratsxeliya ilə bağlı qərarını verdi

"Napoli" cinah oyunçusu Xviçi Kvaratsxeliya ilə bağlı qərar verib.

90deqiqe.Az-ın "Marca"ya istinadən məlumatına görə, Neapolitan klubu gürcü futbolçu ilə 150 ​​milyon avroya ayrılmağa hazırdır.Bu onunla izah olunur ki, "Napoli" Kvaratsxeliya və nigeriyalı hücumçu Viktor Osimhenin eyni vaxtda klubu tərk etməsini istəmir.

Xatırladaq ki, Kvaratsxeliya 2022-ci ilin yayından "Napoli"də çıxış edir. Bu mövsüm cinah oyunçusu partenopeyalıların heyətində bütün yarışlarda 36 oyun keçirib, on qol vurub və beş məhsuldar ötürmə edib. Futbolçunun İtaliya klubu ilə müqaviləsi 2027-ci ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 80 milyon avrodur.