"Yuventus" Yıldızla müqaviləni uzatmaq istəyir

"Yuventus" hücumçusu Kənan Yıldızla yeni müqaviləni uzatmaq niyyətindədir.

90deqiqe.Az "Tuttosport"a istinadən xəbər verir ki,  “qoca sinyora”nın rəhbərliyi türk futbolçunu gələcəyin ulduzu və komandanın əsas oyunçusu kimi görür.  Yıldızın ətrafı yeni müqaviləyə təzminat məbləğinin daxil edilməsini rəhbərlikdən istəyib.

Qeyd edək ki, 18 yaşlı Yıldızın "Yuventus"la hazırkı müqaviləsi 2027-ci ilin yayında başa çatır, lakin "Yuventus" futbolçu ilə daha uzunmüddətli müqavilə imzalamaq istəyir. 

İtaliya A Seriyasının bu mövsümündə 17 matçda 1 qol vuran Yıldız start heyətində meydana çıxdığı elə ilk oyunda qol vurub.