"Yuventus" onunla yola davam edəcək

"Yuventus" yaxın vaxtlarda sol cinah müdafiəçisi Andrea Kambiaso ilə müqaviləni yeniləmək istəyir.

90deqiqe.Az "La Gazzetta dello Sport"a istinadən məlumatına görə, "qoca sinyora" italyan müdafiəçi ilə uzunmüddətli müqavilə imzalamaq niyyətindədir. Kambiasonun "Yuventus"la hazırkı müqaviləsi 2027-ci ilin yayında başa çatır, lakin "Yuventus" rəhbərliyi sol cinah müdafiəçisini daha uzun müddət saxlamaq istəyir. Tərəflər tezliklə danışıqlara başlamalıdır.

Cari İtaliya A Seriyasında 24 yaşlı Kambiaso iki qol vurub və üç məhsuldar ötürmə edib. Ötən mövsüm Andrea "Bolonya"da icarə əsasında çıxış edib.