"Napoli" Xviçaya yeni müqavilə təklif etdi

 Gürcüstanlı yarımmüdafiəçi Xviça Kvaratsxeliya hazırkı klubu "Napoli" ilə yeni əmək müqaviləsi bağlaya bilər.

90deqiqe.Az xəbər verir ki, bu barədə insayder Nikolo Skira "X" sosial şəbəkəsində (keçmiş Twitter) yazıb.

O, Neapolitan klubunun rəhbərliyi yarımmüdafiəçiyə 2029-cu ilin ortalarına qədər uzunmüddətli müqavilə təklif etdiyini bildirib.

Yeni müqaviləyə əsasən Kvaratsxeliyanın maaşı ildə 4 milyon avro olacaq.

İtaliya çempionatının bu mövsümündə Xviça Neapolitan komandasının heyətində 26 oyun keçirib. Yarımmüdafiəçi on qol vurub və dörd məhsuldar ötürmə edib.