"Milan" Kjaerin gələcəyi ilə bağlı qərarını təxirə saldı

İtaliyanın "Milan" klubu müdafiəçisi Simon Kjaerin gələcəyi ilə bağlı qərar verməyə tələsmir.

90deqiqe.Az xəbər verir ki, “rossonerilər” danimarkalı futbolçu ilə bağlı planlara may ayında qərar verəcək. Kjaerin "Milan"la hazırkı müqaviləsi gələn ilin yayında başa çatır, lakin oyunçu qalmaq və müqaviləni uzatmaq istəyir. Düzdü, “rossoneri” rəhbərliyi hələ ki, futbolçuya yeni müqavilə təklif etməyib.

34 yaşlı Kjaer bu mövsüm İtaliya çempionatında "Milan"ın heyətində 100 dəqiqədən çox oynayıb.

Mərkəz müdafiəçisi artıq “rossonerilər”lə 5-ci kampaniyasındadır. Bu müddət ərzində danimarkalı komanda ilə A Seriyasını qazanmağı bacarıb.