"Latsio"nun yeni baş məşqçisi müəyyənləşdi

"Marsel"in sabiq çalışdırıcısı İqor Tudor "Latsio"nun yeni baş məşqçisi olub.

90deqiqe.Az xəbər verir ki, bu barədə klubun mətbuat xidməti məlumat yayıb. Müqavilənin təfərrüatları hələlik açıqlanmayıb.

Xatırlatmaq istərdik ki, Mauritsio Sarri “Latsio”nun baş məşqçi postunu öz istəyi ilə tərk edib. 29 turdan sonra "Latsio" İtaliya çempionatının turnir cədvəlində 9-cu yerdədir. Komandanın aktivində 43 xal var. Tudorun "Latsio"nun sükanı arxasında debüt matçı martın 30-da baş tutacaq. Bu gün komanda İtaliya A Seriyasının 30-cu turu çərçivəsində “Yuventus”u qəbul edəcək.Matçın startı Bakı vaxtı ilə saat 21:00-a nəzərdə tutulub.