"Milan"ın futbolçusu bu klubların hədəfində

"Milan"ın müdafiəçisi Teo Hernandez yayda komandasını dəyişə bilər.

 90deqiqe.Az "Relevo"ya istinadən xəbər verir ki, fransalı futbolçu ilə "Bavariya" və İngiltərə Premyer Liqasının bir neçə klubu maraqlanır.

26 yaşlı oyunçu 2019-cu ilin yayından "Milan"da çıxış edir. O vaxtdan bəri futbolçu İtaliya klubunun heyətində 205 rəsmi oyun keçirib, 29 qol vurub və 38 məhsuldar ötürmə edib. Nüfuzlu Transfermarkt portalının mütəxəssisləri Teo Hernandezi 60 milyon avro qiymətləndirirlər.

Qeyd edək ki, "Milan" hazırda A Seriyasının turnir cədvəlində ikinci yerdədir.