"İnter" və "Yuventus" onun üçün mübarizə aparacaq

"Napoli"nin hücumçusu Cakomo Raspadori İtaliya çempionatında iki top-klubun maraq dairəsinə düşüb.

90deqiqe.Az "Gazzetta dello Sport"a istinadən xəbər verir ki, 24 yaşlı futbolçu uğrunda "İnter" və "Yuventus" mübarizə aparacaq.

Futbolçunun transfer məbləği 35 milyon avro olaraq qiymətləndirilir.

Bu mövsüm Cakomo Neapolitan komandasının heyətində 29 oyun keçirib, dörd qol vurub və üç məhsuldar ötürmə edib. Raspadori ilə klub arasında mövcud müqavilə 2028-ci ilin yayında başa çatır. İtaliya çempionatının 29 turundan sonra "Napoli" yeddinci pillədə qərarlaşıb.