Kristante Mourinyonun qovulmasından danışdı

"Roma"nın yarımmüdafiəçisi Brayan Kristante komandanın sabiq baş məşqçisi Joze Mourinyoya xəyanət etməsi ilə bağlı şayiələrdən danışıb. 

90deqiqe.Az xəbər verir ki, 29 yaşlı futbolçu bütün bu şayiələrin yalan olduğunu bildirib.

"Mən birdəfəlik qeyd etmək istəyirəm ki, Mourinyoya qarşı heç vaxt sui-qəsd olmayıb. Heç vaxt. Hamısı yalandır. Futbol budur: işlər yaxşı getməyəndə ilk cavab verən məşqçi olur. Tək günahkar o olmasa belə.

Bununla (Mourinyonun qovulması ilə) heç bir əlaqəmiz yoxdur! Bu başqa bir cəfəngiyatdır. İnanın ki, Mourinyoya deyilən səhər saatlarında baş verənlərdən xəbərdar olduq."

Daha əvvəl bildirilmişdi ki, klubun sahibi Den Fridkin əsas oyunçularla sükançının mümkün qovulması ilə bağlı fikirlərini müzakirə edib.