Rabiot "Yuventus"u tərk edir?

Yarımmüdafiəçi Adrien Rabiot "Yuventus"la müqavilənin uzadılması ilə bağlı razılığa gələ bilmədiyi üçün mövsümün sonunda komandanı tərk edəcək.

90deqiqe.Az-ın "Calciomercato"a istinadən məlumatına görə, Turin klubunun rəhbərliyi ilə fransız futbolçunun agenti və anası olan Veronika Rabio arasında aparılan danışıqlar bir neçə ay əvvəl tərəflər yarımmüdafiəçinin maaşı ilə bağlı razılığa gələ bilmədiyi üçün dondurulub.

Rabiot ilə "Bolonya", "Nyukasl" və "Mançester Yunayted"in maraqlandığı vurğulanır.

Xatırladaq ki, 29 yaşlı futbolçu 2019-cu ildən "Yuventus"da çıxış edir. Bu müddət ərzində o, bütün turnirlərdə 204 matçda iştirak edib, 21 qol vurub, 15 məhsuldar ötürmə edib.