Pioli "Napoli"yə rəhbərlik etməyə razılaşıb

"Milan"ın baş məşqçisi Stefano Pioli "Napoli"yə şifahi razılıq verib.

90deqiqe.Az-ın "Repubblica"ya istinadən məlumatına görə, italiyalı mütəxəssis "partenopei"yə gələn yayda rəhbərlik edəcək. "Napoli" Stefanoya daha bir mövsüm uzatma variantı ilə iki illik müqavilə təklif edib.

Daha əvvəl bildirilmişdi ki, Piolini "Milan"ın baş məşqçisi postunda bu mövsüm başlamamış İngiltərənin "Vulverhempton" klubundan ayrılan Xulen Lopeteqi əvəzləyə bilər. Bununla belə, ispaniyalı “Vest Hem”ə də başçılıq edə bilər.

Xatırladaq ki, Pioli mövsümün sonunda daha əvvəl İtaliya çempionu olduğu "Milan"ı tərk edəcək.