"Atalanta" belçikalı futbolçu ilə bağlı qərarını verdi

"Atalanta"nın prezidenti Antonio Perkassi klubun mövsümün əvvəlində berqamasklar tərəfindən icarəyə götürdüyü yarımmüdafiəçi Şarl De Ketelarenlə bağlı açıqlama verib.

90deqiqe.Az xəbər verir ki, funksioner, 23 yaşlı futbolçunun "Milan"dan alacağını bildirib.

"Milan"dan Çarlz De Ketelareni alacağıq".

Xatırladaq ki, futbolçunun icarə müqaviləsi 2024-cü ilin yayında başa çatır. Daha əvvəl futbolçunun özü də daimi oyun praktikasına görə Berqamo klubunda qalmaq istəyindən danışmışdı.

Bu mövsüm 23 yaşlı Çarlz De Ketelare "Atalanta"nın heyətində bütün yarışlarda 44 oyun keçirib, 11 qol vurub və 9 məhsuldar ötürmə edib. Futbolçunun "Milan"la müqaviləsi 2027-ci ilin iyun ayının sonuna kimi qüvvədədir. Transfermarkt internet portalına görə futbolçunun təxmini dəyəri 30 milyon avrodur.