"İnter" Dumfriesə əvəzləyici tapıb

"İnter" sağ cinah müdafiəçisi Denzel Dumfrisi əvəzləmək istədiyi oyunçunu tapıb.

90deqiqe.Az-ın “La Gazzetta dello Sport”a istinadən məlumatına görə, “İnter” "Red Bull Salzburq"un sağ cinah müdafiəçisi Amar Dediçi almaq variantını nəzərdən keçirir.

Xatırladaq ki, hollandiyalı böyük ehtimalla yayda “neradzurri”ni tərk edəcək. Onun müqaviləsi bir ildən sonra başa çatır, lakin futbolçu rəhbərliyin təklif etdiyi şərtlərlə müqaviləni yeniləmək istəmir.

21 yaşlı bosniyalı "neradzurri" rəhbərliyi tərəfindən yüksək qiymətləndirilir. Transfermarkt Dediçin bazar dəyərini 20 milyon avro olaraq qiymətləndirir. Bu mövsüm müdafiəçi Avstriya çempionatında 21 matçda 3 qol vurub, 4 məhsuldar ötürmə edib.