"Yuventus"u mövsümün sonuna qədər o çalışdıracaq

"Yuventus"un gənclər komandasında çalışmış 52 yaşlı mütəxəssis Paolo Montero Massimiliano Alleqrinin qovulmasından sonra əsas komandaya rəhbərlik edib.

90deqiqe.Az xəbər verir ki, bu barədə “qoca sinyora”nın klubun mətbuat xidməti məlumat yayıb. Beləliklə, Montero komandaya mövsümün son iki oyununda - "Bolonya" və "Monza" ilə qarşılaşmada başçılıq edəcək.

Xatırladaq ki, Alleqri aprelin 17-də klubun İtaliya kubokunda qələbə qazanmasından sonra istefaya göndərilmişdi. Mütəxəssis 2021-ci ildən komandanın baş məşqçisi vəzifəsində çalışır. A Seriyasının bitməsinə iki tur qalmış “Yuventus” 67 xalla turnir cədvəlinin dördüncü pilləsində qərarlaşıb.