"Yuventus"dan möhtəşəm geridönüş

İtaliya A seriyasında 37-ci tura yekun vurulub.

90deqiqe.Az məlumat verir ki, dünən baş tutan "Bolonya" - "Yuventus" görüşü 3-3 hesablı bərabərliklə nəticələnib.

Oyuna sürətli başlayan ev sahibləri matçın  gedişində 3 cavabsız qolla önə keçsə də, bu hesabı sona qədər qoruya bilməyib. 

"Yuventus"un geri dönüşü Federiko Kyeza ilə başlayıb. Son nöqtəni 84-cü dəqiqədə Kenan Yıldız qoyub.

Qeyd edək ki, bu nəticədən sonra hər iki komanda xal hesabını 68-ə çatdırsa da, topların sayına görə "Bolonya" üçüncü, "Yuventus" isə dördüncü sırada qərarlaşıb.

“Bolonya” - “Yuventus” - 3:3

Qollar: Rikkardo Kalafiori, 2 (1:0), Santiaqo Kastro, 11 (2:0), Rikkardo Kalafiori, 53 (3:0), Federiko Kyeza, 76 (3:1), Arkadiusz Milik, 83 (3:2), Kenan Yıldız, 84 (3:3)