"Kalyari" Ranyeri ilə yollarını ayırdı

A Seriyasında çıxış edən "Kalyari" mövsümün sonunda baş məşqçi Klaudio Ranyeri ilə yollarını ayıracaq.

90deqiqe.Az xəbər verir ki, bu barədə Sardiniya klubunun mətbuat xidməti rəsmi məlumat yayıb. “Kalyari”nin “sükanı arxası”nda olan ən təcrübəli çalışdırıcının final matçı 38-ci tura planlaşdırılan “Fiorentina” ilə ev oyunu olacaq.

Hər şey bəzi KİV-lərin əvvəllər yazdıqları kimi Ranyerinin məşqçilik karyerasını bitirməsinə doğru gedir. Xüsusən də Klaudio özü qeyd edib ki, "Kalyari" onun məşqçi kimi sonuncu yeri olacaq. Ranyerinin rəhbərlik etdiyi sardiniyalıların hazırda ehtiyatda 36 xalı var və turnir cədvəlində 15-ci pillədə qərarlaşıb.