"Yuventus"un futbolçusu ölkəsinə qayıdır

"Yuventus"un müdafiəçisi Aleks Sandro karyerasını ölkəsində davam etdirə bilər.

90deqiqe.Az xəbər verir ki, "San-Paulu" klubu 33 yaşlı futbolçunun xidmətində maraqlıdır.

Müdafiəçinin özünün də bu transferin əleyhinə olmadığı və Braziliya klubunun layihəsini bəyəndiyi qeyd edilir.

Sandro doqquz mövsümdür ki, "Yuventus"da çıxış edir; Turin komandası ilə müqaviləsi bu yay bitir. Braziliyalı futbolçu bu mövsüm İtaliya çempionatında "Yuventus"un heyətində 15 matçda iştirak etsə də, heç bir təsirli hərəkətə imza atmayıb. "Yuventus"un bu mövsüm A Seriyasında 68 xalı var və turnir cədvəlinin dördüncü pilləsində qərarlaşıb.