Osimhen “Çelsi”yə görə bütün təklifləri geri çevirib

İtaliyanın “Napoli” klubunun hücumçusu Viktor Osimhen “Çelsi” ilə müqavilə imzalamaq üçün bir çox klublardan imtina etməyə hazırdır.

90deqiqe.Az "Teamtalk"a istinadən xəbər verir ki, nigeriyalıya Səudiyyə Ərəbistanı komandaları, eləcə də Kilian Mbappenin əvəzedicisini axtaran Fransanın PSJ klubu maraq göstərir.

Mənbəyə görə, Osimhenin əsas prioriteti Viktorun uşaqlıqda dəstəklədiyi London klubuna transferdir.

Qeyd edək ki, Viktorun müqaviləsində təzminat məbləği 130 milyon avro nəzərdə tutulub. Cari İtaliya çempionatında 25 yaşlı Osimhen 24 matçda 15 qol vurub, 3 məhsuldar ötürmə edib.