Lukaku ən yaxşı məşqçinin adını açıqladı

Hücumçu Romelu Lukaku futbolçu karyerası ərzində birlikdə çalışdığı ən yaxşı məşqçinin adını açıqlayıb.

90deqiqe.Az xəbər verir ki, bu barədə o, "RTL Sports"a müsahibəsində bildirib.

O, Antonio Kontenin ən yaxşı məşqçi olduğunu deyib.

Bundan əvvəl İtaliyanın "Napoli" klubu rəsmi saytında Antonio Kontenin komandaya baş məşqçi təyin olunduğunu açıqlayıb. Tərəflər 2027-ci ilə qədər müqavilə imzalayıb.

2023/2024 mövsümündə Romelu Lukaku İtaliyanın "Roma"sında icarə əsasında çıxış edib. 31 yaşlı hücumçu bütün turnirlərdə 47 oyun keçirib, 21 qol vurub və 4 məhsuldar ötürmə edib. Lukaku 2021-ci ilin avqustunda 113 milyon avroya "Çelsi"yə keçib. Transfermarkt portalında verilən məlumata görə, futbolçunun bazar dəyəri 30 milyon avrodur.