"İnter" özünə yeni qapıçı tapıb

 "Udineze"nin qapıçısı Maduka Okoye karyerasını "İnter"də davam etdirə bilər.

90deqiqe.Az xəbər verir ki, bu barədə jurnalist Canluka di Marzio "X" sosial şəbəkəsində (keçmiş Twitter) məlumat verib.

O, 28 yaşlı qolkiperin "nerradzura"ya təxminən 12 milyon avroya başa gələcəyini qeyd edib.

Ötən mövsüm Okoye bütün yarışlarda 22 matçda iştirak edib, 27 qol buraxıb və 5 dəfə qapısını toxunulmaz saxlayıb. Alman qolkiperin "Udineze" ilə əmək müqaviləsi 2027-ci ilin yayına kimi nəzərdə tutulub. Nüfuzlu Transfermarkt portalının məlumatına görə, futbolçunun dəyəri dörd milyon avrodur.