"Milan" Fonsekanın təyinatını nə vaxt açıqlayacaq?

İtaliyanın "Milan" klubu çalışdırıcı Paulo Fonsekanın baş məşqçi təyin olunduğunu bu həftə açıqlayacaq.

90deqiqe.Az " Sky Sport"a istinadən xəbər verir ki,  portuqaliyalı mütəxəssislə “2+1” illik müqavilə imzalanacaq və ildə 3,5 milyon avro qazanacaq.

Klubun Fonsekanın təyinatını cümə axşamı rəsmən elan edəcəyi gözlənilir. Bunu “rossoneri” sahiblərinin müşaviri vəzifəsini tutan Zlatan İbrahimoviç açıqlayacaq.

Xatırladaq ki, “Milan” sonuncu dəfə 74 xal toplayaraq İtaliya çempionatının ikinci pilləsində qərarlaşıb. Bundan əvvəl baş məşqçi Stefano Pioli komandadan ayrılıb.