İbrahimoviç Fonsekanın "Milan"a baş məşqçi təyin olunmasına münasibət bildirib

"Milan"ın sahiblərinin müşaviri Zlatan İbrahimoviç komandanın baş məşqçisi vəzifəsinə Paulo Fonsekanın təyinatını şərh edib.

90deqiqe.Az xəbər verir ki, o, Fonsekanın çox iddialı və uğur qazanmaq arzusunda olduğunu bildirib.

“Biz Fonsekanı yaxşı öyrənmişik. O, bizə lazım olan bütün keyfiyyətlərə malikdir. Biz onu futbolçulara öz yanaşma tərzini aşılamaq, komandanın üstünlük və inamla oynamasını təmin etmək üçün seçdik. Fonseka ilə danışanda gördük ki, o, çox iddialıdır və uğur qazanmaq arzusundadır. "Milan"da menecer yox, məşqçimiz var"

Xatırladaq ki, Paulo Fonsekanın əvvəlki klubu Fransanın “Lill” klubu olub.