Şesni İtaliyada klubunu dəyişə bilər

"Yuventus"un qapıçısı Voyçex Şesni başqa bir İtaliya klubunun maraq dairəsinə düşüb.

90deqiqe.Az  xəbər verir ki, "Monza" 34 yaşlı qolkiperin xidmətində maraqlıdır. İtaliya klubu artıq polşalı oyunçu üçün danışıqlarada başlayıb. Şesni  "Monza"dan Mişel di Qreqorionun gəlişinə görə Turin təmsilçisindən ayrılmaq istəyir.

Qeyd edək ki, bundan əvvəl mətbuat Voyçex Şesninin Səudiyyə Ərəbistanının “Əl-Nasr” klubuna mümkün transferi barədə məlumat yayıb.

Futbolçunun “Qoca sinyora” ilə müqaviləsi gələn ilin ortalarına qədərdir və onun transfer dəyəri “Transfermarkt”a görə 6 milyon avrodur.