"Yuventus" yeni qapıçı ilə anlaşıb

"Monza"nın qapıçısı Mişel Di Qreqorio yay transfer pəncərəsində klubunu dəyişəcək.

90deqiqe.Az "La Gazzetta dello Sport"a istinadən xəbər verir ki,  26 yaşlı qolkiper bundan sonra "Yuventus"un uğurları üçün çalışacaq. İtalyan oyunçu cümə günü tibbi müayinədən keçəcək, bundan sonra klubla yeni mövsümün hazırlıqlarına başlayacaq.

"Yuventus" dörd milyon avroya futbolçu icarəyə götürür və 14 milyon avroya onu almaq hüququna malik olacaq.

2023/2024 mövsümündə Mişel di Qreqorio 34 oyun keçirib və 37 qol buraxıb. O, A Seriyasında ötən mövsümün ən yaxşı qapıçısı seçilib.