İtaliyalı oyunçu A Seriyasında klubunu dəyişir

"Yuventus" müdafiəçi Mattia De Sciqlio ilə yollarını ayıra bilər.

90deqiqe.Az-ın məlumatına görə, italyan oyunçu byankonerilərin yeni baş məşqçisi Tiaqo Mottanın yeni mövsüm üçün planlarında yer almır.

De Sciqlionun xidmətində "Monza" klubu maraqlıdır. İtaliya klubu artıq onunla bağlı turinlilərə təklif göndərib.

31 yaşlı futbolçu zədə səbəbindən ötən mövsümün demək olar ki, hamısını buraxıb və meydana qayıtdıqdan sonra cəmi bir dəfə meydana çıxıb.

Mattia de Sciqlio 2017-ci ildən Turin klubuna məxsusdur. Transfermarkt-ın məlumatına görə, lateralin hazırkı dəyəri 1 milyon avrodur.