"Kalyari"nin yeni baş məşqçisi bəlli oldu

İtaliya A Seriyasını təmsil edən "Kalyari" klubunun yeni baş məşqçisi bəlli olub.

90deqiqe.Az klubun mətbuat xidmətinə istinadən xəbər verir ki,  komandanın "sükanı" əvvəlki iş yeri "Empoli" olan Davide Nikolaya tapşırılıb.

"Kalyari" 51 yaşlı çalışdırıcı ilə 2026-cı ilin ortalarına qədər müqavilə imzalayıb.

Xatırladaq ki, 2023/2024 mövsümünün sonunda Klaudio Ranyeri "Kalyari"ni tərk edib. Komanda son İtaliya çempionatını turnir cədvəlində 16-cı yerdə başa vurub. “Qırmızı-göylər” düşmə zonasını cəmi bir xal qabaqlayıb. Əlavə edək ki, A Seriyasının növbəti mövsümü həmişəki kimi avqustda başlayır.