Varan İtaliya yolunda

Fransalı müdafiəçi Rafael Varan karyerasını İtaliyada davam etdirə bilər.

90deqiqe.Az xəbər verir ki, 31 yaşlı futbolçu "Komo" ilə danışıqlar aparır.

Bir neçə gün əvvəl Varan "Komo" komandasının baş məşqçisi Sesk Fabreqasla görüşüb. Gənc məşqçi və təcrübəli oyunçu layihəni müzakirə edib, bundan sonra müqavilə imzalamaq şansları artıb.

Bu komanda ötən mövsümün nəticələrinə görə sinifdə yüksəlib və indi A Seriyasında mübarizə aparmağa hazırlaşır. Xatırladaq ki, 2023/2024-cü il mövsümünün sonunda Rafael Varan “Mançester Yunayted”lə müqaviləsi başa çatdıqdan sonra azad agent olub.