"İnter" braziliyalını almaqdan imtina edə bilər

"Zenit"in müdafiəçisi Robert Renanın "İnter"ə transferi baş tutmaya bilər.

90deqiqe.Az-ın "Corriere dello Sport"a istinadən məlumatına görə, İtaliya komandası Renanın qiymətini çox yüksək hesab edir, çünki "Zenit" müdafiəçisi üçün 20 milyon avro tələb edir, “İnter” isə braziliyalı üçün istənilən məbləğin yarısını ödəməyə hazırdır.

Daha əvvəl "İnter"in icarə əsasında "İnternasional"da çıxış edən 20 yaşlı futbolçu üçün Rusiya klubuna təklif göndərdiyi bildirilirdi.

Xatırladaq ki, Renan “Zenit”ə 2023-cü ilin yanvarında keçsə də, komandada yer ala bilməyib və ötən qış icarəyə verilib.