Osimhen "Napoli"dən ayrılır? - agenti açıqladı

"Napoli"nin hücumçusu Viktor Osimhenlə işləyən agent Roberto Kalenda futbolçunun gələcəyi ilə bağlı mətbuatda müxtəlif şayiələrin yayılmasına münasibət bildirib.

90deqiqe.Az xəbər verir ki, məşhur jurnalist Fabrizio Romano onun dediklərini belə çatdırıb.

“Mən bəzi “fantastik mübadilələr” haqqında oxudum...Sanki Osimhen tez çatdırılmalı olan bir paketdi. Söhbət klub tarixində üçüncü Skudettonu qazanan “Napoli”nin bombardirindən gedir. Buna hörmət edin və saxta xəbərlər yazmağı dayandırın”

Əvvəllər "Napoli" və "Çelsi"nin mübadilə edə biləcəyi barədə məlumatlar var yayılmışdı: Viktor Osimhen Londona, Romelu Lukaku isə Neapol təmsilçisinə gedəcək.