Motta: "Kyeza mənim planlarımda yer almır"

"Yuventus"un baş məşqçisi Tiaqo Motta bir daha yarımmüdafiəçi Federiko Kyezanın planlarında olmadığını təsdiqləyib.

90deqiqe.Az xəbər verir ki,  jurnalist Fabrizio Romano Mottanın dediklərini belə çatdırıb:

“Federiko Kyeza ilə bağlı mövqeyimiz dəyişməyib. Bu, bizim planlarımıza daxil deyil.Biz danışdıq. Bu, mənim hər kəsə olan hörmətimin təzahürüdür. Şəffaflıq, aydınlıq – mən oyunçularımla belə ünsiyyət qururam”

Ötən mövsüm Federiko Kyeza "Yuventus"un heyətində bütün turnirlərdə 37 oyuna çıxıb, 10 qol vurub və 3 məhsuldar ötürmə edib. Onun Turin klubu ilə müqaviləsi 2025-ci ilin yayına kimi nəzərdə tutulub.