Dibala gələcəyi ilə bağlı qərar verdi

"Roma"nın hücumçusu Paulo Dibala İtaliya klubundakı gələcəyi barədə qısa danışıb.

90deqiqe.Az xəbər verir ki, argentinalı futbolçu bu barədə şəxsi  sosial şəbəkə hesabında yazıb.

"Roma", təşəkkür edirəm. Bazar günü görüşərik”, - deyə 30 yaşlı futbolçu qeyd edib.

"Əl-Qadisiya" Dibala ilə maraqlanıb. Səudiyyə klubu argentinalıya üç il ərzində 75 milyon təklif etsə də, futbolçu bundan imtina edib.

Paulo 2022-ci ilin yayından "Roma"da çıxış edir. Hücumçu "canavarlar"da 78 oyun keçirib, 34 qol vurub, 18 məhsuldar ötürmə edib. Onun müqaviləsi 2025-ci ilə qədərdir.