Kyellini "Yuventus"a qayıtdı

"Yuventus" keçmiş müdafiəçisi Corcio Kyellinini geri qaytarıb.

90deqiqe.Az klubun mətbuat xidmətinə istinadən xəbər verir ki, 40 yaşlı keçmiş italiyalı futbolçusu Turin klubunda futbol ictimaiyyəti ilə əlaqələr departamentinin rəhbəri postunu tutub.

Kyellini 2005-2022-ci illərdə “qoca sinyora”da çıxış edib. "Yuventus" Corcio ilə 20 kubok qazanıb. Qeyd edək ki, Kyellininin son klubu "Los Anceles" olub. İtalyan futbolçu karyerasını 2023-cü ilin dekabrında rəsmən başa vurub.

Xatırladaq ki, hazırda “Yuventus”un baş məşqçisi Tiaqo Mottadır. Turin klubu dörd turda səkkiz xal toplayıb və hazırda İtaliya çempionatının turnir cədvəlinə başçılıq edir.