"Milan" onu 4 aylıq itirdi

"Milan"ın yarımmüdafiəçisi İsmael Bennaser baldır əzələsindən aldığı zədədən sonra əməliyyat olunub.

90deqiqe.Az klubun mətbuat xidmətinə isitnadən xəbər verir ki, 26 yaşlı futbolçu Finlandiyada uğurla əməliyyat olunub. Bennaserin 4 ay sonra yaşıl meydanlara qayıdacağı gözlənilir.

Bundan əvvəl İsmael Bennaser zədə səbəbindən Əlcəzair millisini tərk edərək kluba qayıdıb.

Bu mövsüm yarımmüdafiəçi “rossonerilər”in heyətində cəmi bir oyun keçirib. Ötən mövsüm Bennaser klubda 25 oyun keçirib, 2 qol vurub və 2 məhsuldar ötürmə edib. Dörd oyunun nəticəsinə əsasən, "Milan" 5 xalla A Seriyasının turnir cədvəlində 9-cu yerdədir.