"Roma" yeni baş məşqçisi ilə bağlı qərar verib

İtaliyanın “Roma” klubu artıq komandaya yeni baş məşqçi təyin edib.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) yazıb. 

O paytaxt klubunun İvan Juriçlə baş məşqçi təyinatı üçün danışıqlar apardığını və əl sıxmağa çox yaxın olduğunu qeyd edib.

 49 yaşlı mütəxəssislə klub arasındakı müqavilənin təfərrüatları hələlik məlum deyil. Xorvatiyalı çalışdırıcı bu gün qeyri-qənaətbəxş nəticələrə görə qovulan Daniele de Rossini əvəz etməlidir.

Hazırda "Roma" İtaliya çempionatının turnir cədvəlində on altıncıdır.