"Yuventus" "Napoli" ilə heç-heçədən razı qala bilməz"

"Yuventus"un baş məşqçisi Tyaqo Motta İtaliya çempionatının 5-ci turunun "Napoli" ilə son oyunu (0:0) haqda fikirlərini bölüşüb.

90deqiqe.Az xəbər verir ki, “Tuttosport” çalışdırıcının dediklərini belə çatdırıb:

“Napoli” öz futbolunda israrlı komandadır, amma bizim güclü mövqedən oynaya biləcəyimizi görsə, geri çəkilir. Yaxşı performans nümayiş etdirə bildik. Son sıraya çatdıq, lakin qol vura bilmədik.

Bəli, onlar yaxşı oyun nümayiş etdirdilər, amma bu nəticə bizi qane edə bilməz, çünki “Yuventus” həmişə qələbə üçün mübarizə aparır”

A Seriyasının beş oyunundan sonra "Yuventus"un 9 xalı var və dördüncü yerdədir. “Napoli” 10 xal toplayıb və ikinci pillədə qərarlaşıb.