"Roma"dan inamlı qələbə

"Roma" və "Udineze"nin qarşılaşdığı A seriyasının 5-ci turunun oyunu başa çatıb.

90deqiqe.Az xəbər verir ki, “Olimpiko” stadionunda baş tutan görüşdə "Roma" 3:0 hesabı ilə qalib gəlib.

19-cu dəqiqədə "Roma"nın hücumçusu Artem Dovbik hesabı açıb, onun ötürməsini Stefan Əl-Şaaravi edib. 49-cu dəqiqədə "Roma"nın hücumçusu Paulo Dibala penaltidən fərqlənib. 70-ci dəqiqədə Dovbikin ötürməsindən “Roma”nın yarımmüdafiəçisi Tommaso Baldanzi fərqlənib.

Bu qələbədən sonra "Roma"nın aktivində altı xal var. Komanda doqquzuncu yeri tutur. “Udineze” 10 xalla A Seriyasının turnir cədvəlində 3-cü yerdədir.